வவுணதீவில் யுவதிகளின் உற்பத்திப் பொருள் கண்காட்சியும் விற்பனையும்

மட்டக்களப்பு, வவுணதீவு பிரதேச செயலகத்தின் கீழ் இயங்கும், கிழக்கு மாகாண கிராம அபிவிருத்தித் திணைக்கள மாதர் அபிவிருத்திப் பயிற்சி நிலையத்தால் நடாத்தப்பட்ட தொழிற்பயிற்சியை நிறைவுசெய்த யுவதிகளின் உற்பத்திப் பொருட் கண்காட்சியும் விற்பனையும், வவுணதீவு மாதர் அபிவிருத்திப் பயிற்சி நிலையத்தில், இன்று (21) நடைபெற்றது.

கடந்த ஆண்டில் தையல், ஐசிங்கேக், கைப்பணிப் பொருட்கள், ஆடை அலங்காரம் போன்றவை தொடர்பான ஒரு வருட டிப்ளோமா பயிற்சி நெறியை நிறைவுசெய்த யுவதிகளே, இக்கண்காட்சியிலும் விற்பனை நிகழ்விலும் ஈடுபட்டனர்.

கிராம அபிவிருத்தி உத்தியோகத்தர் எஸ். அரசகுமார் தலைமையில் இடம்பெற்ற இந்நிகழ்வில், பிரதேச செயலாளர் எஸ். சுதாகர், திட்டமிடல் பணிப்பாளர் ரி. நிர்மலராஜ், சிரேஷ்ட தையல் போதனாசிரியை உட்படப் பலர் கலந்து கொண்டனர்.