வாகனங்களால் மாணவர்களுக்கு சிரமம்

காத்தான்குடி, பகுதியிலுள்ள சில வீதிகளில், கிழமை நாட்களில் காலை வேளையில் கல், மண் ஏற்றிய கனரக வாகனங்கள் செல்வதால், பாடசாலை மாணவர்களும் ஆசிரியர்களும் பாதசாரிகளும் , அசௌகரியங்களுக்கு உள்ளாகுகின்றனர் என்று தெரிவிக்கப்படுகின்றது.
காலை 6.45 மணி தொடக்கம் 8 மணிவரையான காலப்பகுதியில், மாணவர்கள் பாடசாலைக்கு செல்லும் நேரத்திலேயே, இந்த வாகனங்கள் அதிகளவில் செல்கின்றன எனத் தெரிவிக்கும் மக்கள், இதனால், மாணவர்கள் பாடசாலைக்குச் செல்வதற்கு, தாமதமாகுவதாகவும் தெரிவித்துள்ளனர். எனவே இது தொடர்பில், காத்தான்குடி நகரசபையின் தவிசாளர் கவனம் செலுத்தவேண்டும் என்று கோரப்பட்டுள்ளது.