100 அடி பள்ளத்தில் பாய்ந்து விபத்து

இரா.யோகேசன்
 

ஹட்டன் - கொழும்பு பிரதான வீதியின், ரொசல்ல பகுதியில் சிலாபத்திலிருந்து ஹட்டன் நோக்கி வந்த கார், இன்று (15) வீதியை விட்டு விலகி, 100 அடி பள்ளத்தில் விழுந்து விபத்துக்குள்ளானதில் ஒருவர் பலத்த காயமடைந்த நிலையில், நாவலப்பிட்டி வைத்தியசாலையில் அனுமதிக்கப்பட்டுள்ளார்.

குறித்த கார், 100 அடி பள்ளத்தில் விழுந்தபோது, மரமொன்றில் தடுக்கப்பட்டு, அங்கேயே நிறுத்தப்பட்டுள்ளது என்றும் இதனால் ஏற்படவிருந்த பாரிய விபத்து தடுக்கப்பட்டது என்றும் பொலிஸார் தெரிவித்தனர்.

குறித்த காரில் மூவர் பயணித்துள்ளனர் என்றும் அதில் இருவருக்கு சிறு காயங்கள் ஏற்பட்டது என்றும் பலத்த காயமடைந்த ஒருவர் முதலில் வட்டவளை வைத்தியசாலையில் அனுமதிக்கப்பட்டு, பின்னர், நாவலப்பிட்டி வைத்தியசாலைக்கு மாற்றப்பட்டார் என்றும் பொலிஸார் தெரிவித்தனர்.