மலையகத்தில் சீரற்ற காலநிலை

(எஸ்.சுவர்ணஸ்ரீ)

மலையகத்தில் சீரற்ற காலநிலை தொடர்வதால் மக்களின் இயல்பு வாழ்க்கை பெரிதும் பாதிப்படைந்து வருகின்றது.

இந்த நிலையில் நுவரெலியா மாவட்டத்தில் மேகமூட்டம் காணப்படுவதால் வாகனங்களைச் செலுத்துவதில் சாரதிகள் பல்வேறு அசௌகரியங்களை எதிர்நோக்கி வருகின்றனர். ஹட்டன் - கொழும்பு பிரதான பாதையில்  இன்று மேகமூட்டம் சூழ்ந்திருந்ததால் பவுஸ்சர் வாகனமொன்று புருட்டில் பகுதியில் விபத்துக்கு உள்ளாகியது. ஹட்டனிலிருந்து குருணாகலைக்குப் பால் கொண்டு சென்ற பவுசர் வாகனமே விபத்துக்கு உள்ளாகியுள்ளது. இதன்போது எவருக்கும் காயம் ஏற்படவில்லை.