இறக்குமதியாகும் கோழி இறைச்சி, முட்டைகளில் கிருமிகள் இல்லை: பரிசோதனையில் நிரூபணம்

(மொஹொமட் ஆஸிக்

இந்தியாவிலிருந்து  இறக்குமதி செய்யப்படும் கோழி இறைச்சி மற்றும் முட்டைகளில் நோய்களை பரப்புவதற்கான  வைரஸ்களோ அல்லது வேறு கிருமிகளோ  இல்லையென்பதை பரிசோதனைகள் மூலம் நிரூபிக்கப்பட்டுள்ளதாக கால்நடைகள் மற்றும் கிராமிய அபிவிருத்தி பிரதியமைச்சர் எச்.ஆர். மித்திரபால தெரிவித்தார்.

பேராதனையில் நேற்று வியாழக்கிழமை இரவு நடைபெற்ற கலந்துரையாடயொன்றிலேயே அவர் இவ்வாறு கூறினார்.

அவர் அங்கு மேலும் தெரிவிக்கையில்,

இலங்கையில் கோழிகளுக்கும் முட்டைகளுக்கும் ஏற்பட்ட பற்றாக்குறை காரணமாக  அவை இந்தியாவிலிருந்து இறக்குமதி செய்ய வேண்டியிருந்தது. ஆனாலும், அவை இலங்கைக்கு இறக்குமதி செய்வதற்கு முன்னராக பரிசோதனைகள் மூலம் நோய்களை பரப்பும் கிருமிகள் இல்லையென்பது உறுதிப்படுத்தப்பட்டுள்ளது.  எனவே அரசியல் இலாபம் கருதி எதிர்க்கட்சியினர் மேற்கொள்ளும் பிரசாரத்தில் எவ்வித உண்மையும் இல்லை என்றார்.