சிங்கள கொடியை பறக்கவிட்டமை குறித்து விசாரணை

-மொஹொமட் ஆஸிக்

கண்டி ஸ்ரீ தலதா மாளிகை வளாகத்திலிருந்து பலவந்தமாக தேசிய கொடியை அகற்றி விட்டு, சிங்கள கொடியை பறக்கவிட முயற்சித்த சம்பவம் குறித்து  கண்டி பொலிஸார் விசாரணைகளை முன்னெடுத்துள்ளனர்.

கண்டிய ஒப்பந்தத்தின் 200ஆம் ஆண்டு நிறைவையொட்டி திங்கட்கிழமை (02) தலதா மாளிகை வளாகத்தில் நிகழ்வொன்று ஏற்பாடு செய்யப்பட்டிருந்து. இந்நிகழ்வின் போதே மேற்படி சம்பவம் நடைபெற்றுள்ளது.

இலங்கையின் தேசிய கொடியானது மூவினத்தையும் பிரதிப்பளிக்கும் வகையில் நிறங்களை கொண்டுள்ளது. ஆனால் புதிதாக பறக்கவிட முயற்சித்த குறித்த கொடியானது தனியே சிங்கத்தையும் அரச இலைகளை மட்டும் கொண்டு காணப்பட்டுள்ளது.

மேற்படி சம்பவம் குறித்து தலதா மாளிகையின் நிர்வாகத்தினர் கண்டி பொலிஸ் நிலையத்தில் செய்ய முறைப்பாட்டை அடுத்து பொலிஸார் விசாரணைகளை முன்னெடுத்து வருகின்றனர்.