விபத்தில் ஒருவர் பலி

- சிவாணி ஸ்ரீ

இரத்தினபுரி, லெல்லுபிட்டிய பகுதியில் வீதியை கடக்க முயன்ற நபரொருவர், தனியார் பஸ்ஸின் மீது மோதியதில் ஸ்தலத்திலேயே பலியாகியுள்ளார்.

பதுளை பிரதேசத்தை சேர்ந்த திசாநாயக்க புதியன்சலாகே ஜினதாச (வயது 56) என்பவரே இவ்வாறு உயிரிழந்துள்ளார். இவர் குருநாகல் சுகாதார வைத்திய காரியாலயத்தில் கடமையாற்றி வந்துள்ளார்.

இச்சம்பவம் குறித்து இரத்தினபுரி பொலிஸார் விசாரணைகளை மேற்கொண்டு வருகின்றனர்.