இரத்தினபுரியில் உருவாகிவரும் மரதன் தம்பதியின் நூதனசாலை

சிவாணி ஸ்ரீ

மரதன் ஓட்டப்போட்டியில் சாதனை படைத்து இலங்கைக்கு பெருமை சேர்த்த தம்பதியனரின் வீட்டில், விளையாட்டுடன் தொடர்புடைய நூதனசாலையொன்றை அமைப்பதற்கு அமைச்சர் ஒருவர் உதவி புரிந்த சம்பவமொன்று இரத்தினபுரி, குருவிட்ட பிரதேசத்தில் இடம்பெற்றது.

இரத்தினபுரி, குருவிட்ட பிரதேசத்தில் வசித்து வரும், ஆர்.ஏ.சந்திரதாச மற்றும்  கே.ஜீ.ஜீ.மெனிக்கே ஆகிய தம்பதியினர், மரதன் ஓட்டப்போட்டியில் உலக சாதனை படைத்தவர்களாவர். இவர்கள் தங்களது இல்லத்தில் விளையாட்டுடன் தொடர்புடைய நூதனசாலையொன்றை அமைத்து வருகின்றனர்.

இந்த நூதனசாலைக்கு அண்மையில் திடீரென விஜயம் மேற்கொண்ட சப்ரகமுவ மாகாண சபையின் விளையாட்டுத்துறை அமைச்சர் அதுல குமார ராகுபந்த, மேற்படி நூதனசாலையை தனியாக அமைப்பதற்கு நடவடிக்கை எடுத்தார். இதற்கான அடிக்கல்; நாட்டும் விழா, நேற்று புதன்கிழமை (18) இடம்பெற்றது.

இதற்காக, சப்ரகமுவ மாகாண விளையாட்டுத்துறை அமைச்சின் மூலம் இரண்டரை இலட்சம் ரூபாய் பெறுமதியான காசோலையொன்றும் மேற்படி தம்பதியினரிடம் கையளிக்கப்பட்டமை குறிப்பிடத்தக்கது.