தொழிற்சாலையில் தீ: பொருட்கள் எரிந்து நாசம்

ரஞ்சித் ராஜபக்ஷ

ராகலை - சூரியகந்தி பகுதியிலுள்ள லீடேஸ்டல் தேயிலை தொழிற்சாலையில் நேற்று வியாழக்கிழமை காலை ஏற்பட்ட தீ விபத்து காரணமாக, தொழிற்சாலையின் பெருமளவிலான பொருட்கள் சேதமடைந்துள்ளதாக ராகலை பொலிஸார் தெரிவித்தனர்.

தேயிலையை உலர்த்துவதற்காக பயன்படுத்தப்படும் இடத்திலேயே தீவிபத்து இடம்பெற்றுள்ளது.

தொழிற்சாலை அதிகாரிகள், பொலிஸார் மற்றும் பொது மக்களும் இணைந்து தீயை கட்டுப்பாட்டுக்குள் கொண்டுவந்துள்ளனர்.

இத் தீவிபத்து தொடர்பில் பொலிஸார் விசாரணைகளை மேற்கொண்டு வருகின்றனர்.