முச்சக்கரவண்டி விபத்தில் மூவர் காயம்

மு.இராமசந்திரன்  

தலவாக்கலை, பூண்டுலோயா பிரதான வீதி, ஹொலிரூட் பகுதியில் முச்சக்கர வண்டியொன்று நேற்று ஞாயிற்றுக்கிழமை இரவு வீதியை விட்டு விலகி சுமார் 30 அடி பள்ளத்தில் பாய்ந்து விபத்துக்குள்ளாகியுள்ளது.

இவ்விபத்தில் முச்சக்கர வண்டி சாரதி உட்பட மேலும் இருவர் பலத்த காயங்களுடன் லிந்துலை வைத்தியசாலையில் அனுமதிக்கப்பட்டுள்ளனர்.

தலவாக்கலை பகுதியிலிருந்து ஹொலிரூட் பகுதிக்கு சென்ற முச்சக்கரவண்டியே இவ்வாறு பாதையை விட்டு விலகி விபத்துக்குள்ளானது.

விபத்து தொடர்பில் தலவாக்கலை பொலிஸார் விசாரணைகளை மேற்கொண்டு வருகின்றனர்.