14,900 கிலோ கிராம் கழிவு தேயிலை மீட்பு

ரஞ்சித் ராஜபக்ஷ

திம்புள்ள பத்தனை பொலிஸ் பிரிவுக்குட்பட்ட தலவாக்கலை நாவலப்பிட்டி பிரதான வீதியில் பத்தனை போகாவத்தை பகுதியில் வைத்து பாவனைக்குதவாத 14,900 கிலோ கிராம் கழிவு தேயிலை தூளை கைப்பற்றியதோடு, நான்கு சந்தேக நபர்களையும் திம்புள்ள பத்தனை பொலிஸார் நேற்று (05) இரவு கைது செய்துள்ளனர்.

இது குறித்து மேலும் தெரியவருவதாவது,

திம்புள்ள பத்தனை பொலிஸ் பிரிவுக்குட்பட்ட தலவாக்கலை கம்பளை பகுதியூடாக இரண்டு லொறிகளில் சட்டவிரோதமான முறையில் பாவனைக்குதவாத கழிவு தேயிலை தூளை ஏற்றிச்சென்ற போதே பொலிஸார் கைப்பற்றியுள்ளனர்.

இதனையடுத்து, குறித்த இரண்டு லொறிகளில் இருந்த கழிவு தேயிலை தூளை கைப்பற்றியதோடு, நான்கு சந்தேக நபர்களை பொலிஸார் கைது செய்துள்ளனர்.

இதேவேளை, சந்தேக நபர்களை நீதிமன்றில் ஆஜர்ப்படுத்துவதுக்கு  நடவடிக்கை எடுத்துள்ளதாக பொலிஸார் மேலும்  தெரிவித்தனர்.