மகளை தாக்கிய தந்தை கைது

மதுபோதையில், சொந்த மகளை தாக்கியது மாத்திரமல்லாது அவர் சுகயீனம் அடைவதற்கு காரணமான மூன்று பிள்ளைகளின் தந்தையை பொலிஸார் கைது செய்துள்ளனர்.

இச்சம்பவம் தெனியாயவில் இடம்பெற்றுள்ளது.

குறித்த சிறுமியின் தாய், வீட்டின் பொருளாதார தேவையை பூர்த்தி செய்யும் நோக்கில் வெளிநாட்டுக்கு சென்றுள்ளார். இதனால் மூன்று பிள்ளைகளும் தந்தையின் பராமரிப்பிலேயே இருந்து வருகின்றனர்.

சம்பவம் நடைபெற்ற தினத்தன்று, தந்தை மதுபோதையில் வந்து சிறுமியை தாக்கியுள்ளார். இதனால் சிறுமி சுகயீனம் அடைந்ததுடன் மறுநாள் காலை பாடசாடையில் மயக்கமடைந்துள்ளார்.

பின்னர் தெனியாய வைத்தியசாலையில் அனுமதிக்கப்பட்ட சிறுமியை விசாரணை செய்த மாத்தறை வைத்தியசாலை பொலிஸார் சிறுமியின் தந்தையை கைது செய்து விசாரணைகளை மேற்கொண்டு வருகின்றனர்.