இ.தொ.கா.வின் ஆதரவாளர்களுக்கு விளக்கமறியல்

தாக்குதல் சம்பவத்தில் ஈடுபட்டதாக கூறப்படும் இலங்கை தொழிலாளர் காங்கிரஸின் ஆதரவாளர்கள் நால்வரை எதிர்வரும் 21 ஆம் திகதிவரை விளக்கமறியலில் வைக்குமாறு ஹட்டன் நீதவான் நீதிமன்ற நீதவான், நேற்று வியாழக்கிழமை உத்தரவிட்டார்.

தமிழ் முற்போக்கு கூட்டணியின் ஏற்பாட்டில் தலவாக்கலையில் புதன்கிழமை(8)  இடம்பெற்ற சத்தியாக்கிரகப் போராட்டத்தில் கலந்துகொண்டு வீடு திரும்பிய இருவரை அதேதோட்டத்தை சேர்ந்த மேற்படி நால்வரும் தாக்கியுள்ளனர்.

இவர்களின் தாக்குதலில் காயமடைந்த நிலையில், டிக்கோயா மணிக்கவத்தையை சேர்ந்த எஸ்.சிவகுமார், ஆர்.நந்தகுமார் ஆகிய இருவரும் டிக்கோயா கிளங்கன் மாவட்ட வைத்தியசாலையில் அனுமதிக்கப்பட்டுள்ளனர்.

இதுதொடர்பில், ஹட்டன் பொலிஸில் செய்த முறைப்பாட்டையடுத்து மேற்படி நால்வரும் புதன்கிழமை கைதுசெய்யப்பட்டதுடன் நேற்று நீதிமன்றில் ஆஜர்படுத்தப்பட்டனர்.