மலையக மக்களின் எழுச்சிக்கு இ.தொ.கா.வின் பங்கு அளப்பரியது

"மலையக மக்களின் எழுச்சிக்கு இலங்கை தொழிலாளர் காங்கிரஸின் பங்கு அளப்பரியது. பெருந்தோட்ட மக்களின் வாழ்வியல் மாற்றங்களுக்காக அவர்களது அத்தியாவசிய தேவைகளை பூர்த்திசெய்வது முக்கிய தேவையாகவுள்ளது" என இலங்கை தொழிலாளர் காங்கிரஸின் உபதலைவர் செந்தில் தொண்டமான் தெரிவித்தார்.

இ.தொ.கா.வின் உபதலைவர், செந்தில் தொண்டமான் தலைமையில் பதுளை, லுணுகலையில் திங்கட்கிழமை(12) மக்கள் சந்திப்பு, நடைபெற்றது. இதில் கலந்துகொண்டு உரையாற்றும்போதே அவர் இதனை தெரிவித்தார்.

அங்கு தொடர்ந்தும் உரையாற்றிய அவர்,

"நமது கடமையாகவுள்ள காணி மற்றும் வீடு, உட்கட்டமைப்பு அனைத்து வசதிகளையும் பெற்றுக்கொடுபதற்கு தமிழ் பிரதிநிதித்துவம் அதிகரிக்கப்பட வேண்டும். இதற்காக மக்கள் அனைவரும் ஒற்றுமையுடன் செயல்படுவது மிக முக்கியம்.

இலங்கை தொழிலாளர் காங்கிரஸ், இம்முறை சேவல் சின்னத்தில் தனித்து, பதுளை மாவட்டத்தில் போட்டியிடுகின்றது. பதுளை மாவட்டத்தில் இரண்டு தமிழ் பிரதிநித்துவங்களை  பெற்றுகொடுக்கும் வேலைத்திட்டங்களை முன்னெடுத்துள்ளோம்" என்றும் அவர் இதன்போது தெரிவித்தார்.