25 அடி பள்ளத்தில் பாய்ந்து ஓட்டோ விபத்து; மூவர் படுகாயம்

எஸ்.சதீஸ்

ஹட்டன் - கொழும்பு பிரதான வீதி, ஹட்டன் மல்லியப்பூ பகுதியில்,  25அடி பள்ளத்தில் பாய்ந்து ஓட்டோ ஒன்று குடைசாய்ந்து விபத்துக்குள்ளானதில், மூவர் படுகாயமடைந்துள்ளனர் என்று, ஹட்டன் பொலிஸார் தெரிவித்தனர்.

இச்சம்பவம் இன்று (18) முற்பகல் இடம்பெற்றுள்ளது. விபத்தில் காயமடைந்தவர்கள், டிக்கோயா வைத்தியசாலையில் அனுமதிக்கபட்டுள்ளனர்.

ஹட்டனில் இருந்து  குடாகம நோக்கிப் பயணித்த ஓட்டோவொன்றே, வேகக்கட்டுப்பாட்டை இழந்து விபத்துக்குள்ளாகியுள்ளதாக பொலிஸாரின் ஆரம்பக்கட்ட விசாரணைகளில் தெரியவந்துள்ளது.

இச்சம்பம்பவம் தொடர்பில், பொலிஸார் மேலதிக விசாரணைகளை மேற்கொண்டு வருகின்றனர்.