அக்கரப்பத்தனை நகரில் அதிக விலைக்குப் பொருள்கள் விற்பனை

அக்கப்பத்தனை நகரிலுள்ள பல வர்த்தக நிலையங்களில், அத்தியாவசியப் பொருள்கள் அதிக விலைக்கு விற்பனைச் செய்யப்படுவதாக, நுகர்வோர் குற்றஞ்சாட்டுகின்றனர்.

அரசாங்கம் நிர்ணயித்த  விலையையும் விட, அதிக விலைக்குப் பொருள்கள் விற்பனைச் செய்யப்படுவதாக, நுகர்வோர் குறிப்பிடுகின்றனர்.

குறிப்பாக, ஒரு கிலோகிராம் பருப்பு 140 ரூபாய்க்கும்  செமன் 350 ரூபாய்க்கும்,  முட்டை 25 ரூபாய்க்கும், ஒரு கிலோகிராம் 1,000 ரூபாய்க்கும், ஒரு கிலோகிராம் உருளைக்கிழங்கு 170 ரூபாய்க்கும் விற்பனைச் செய்யப்படுவதாக, நுகர்வோர் சுட்டிக்காட்டுகின்றனர்.

போதிய வருமானமின்றி பெருந்தோட்டத் தொழிலாளர்கள், பாதிக்கப்பட்டுள்ள நிலையில், இவ்வாறு அதிக விலைக்குப் பொருள்கள் விற்பனைச் செய்யப்படுவதால், தாம் பாரிய இடர்களை எதிர்கொண்டுள்ளதாக, மேற்படி நகரத்திலுள்ள வியாபார நிலையங்களில், பொருள் கொள்வனவில் ஈடுபடும் தொழிலாளர் குடும்பங்கள் கவலை தெரிவித்துள்ளனர்.

எனவே, இது தொடர்பில், சம்பந்தப்பட்ட அதிகாரிகள் கவனஞ்செலுத்த வேண்டும் என்றும் தொழிலாளர்கள் கோரிக்கை விடுக்கின்றனர்.