அழகிப் போட்டியில் திலினி குமாரிக்கு முதலிடம்

இந்தோனேசியாவில் நடைபெற்ற மிஸ் இன்டர்நேஷனல் - 2024 சர்வதேச அழகிப் போட்டியில் கலந்து கொண்டு முதலாம் இடத்தைப் பெற்ற திலினி குமாரி  கட்டுநாயக்க விமான நிலையத்தை, திங்கட்கிழமை (16)  வந்தடைந்தார்.

இந்தோனேசியாவின் பாலி தீவில் உலகின் 20 நாடுகளைச் சேர்ந்த அழகுராணிகள் பங்கேற்ற இந்தப் போட்டி 09/09 முதல் 09/16 வரை நடைபெற்றது.

இந்தப் போட்டியில் வெற்றி பெற்ற திலினி,   இந்தோனேசியாவின் ஜகார்த்தாவிலிருந்து ஸ்ரீலங்கன் எயார்லைன்ஸ் விமானமான UL-365 இல் கட்டுநாயக்க விமான நிலையத்தை வந்தடைந்தார்.

கண்டி, பிரிமத்தலாவ பிரதேசத்தை வசிப்பிடமாகக் கொண்ட இவர், நடிகையாகவும், அறிவிப்பாளராகவும் பல துறைகளிலும் தனது திறமைகளை வெளிப்படுத்தி வருகின்றார் என்பது குறிப்பிடத்தக்கது.

 டி.கே.ஜி.கபில