ஆடைத் தொழிற்சாலையில் மேலும் 19 பேருக்கு தொற்று

எஸ்.சதீஸ்

நோர்வுட் ஆடைத்தொழிற்சாலையில் மேலும் 19 பேருக்கு கொரோனா வைரஸ் தொற்று உறுதிபடுத்தப்பட்டுள்ள நிலையில் அங்கு தொற்றாளர்களின் எண்ணிக்கை 64ஆக உயர்வடைந்துள்ளதாக, மஸ்கெலியா பொது சுகாதார வைத்திய அதிகாரி டி.சந்ரராஜன் தெரிவித்தார்.

டிக்கோய கிழங்கன் வைத்தியசாலையில் மேற்கொள்ளப்பட்ட அன்டிஜன் பரிசோதனையிலேயே மேலும் 19 பேருக்கு தொற்று உறுதிபடுத்தப்பட்டுள்ளது.

மேற்படித் தொழிற்சாலை கிருமி தொற்று நீக்கம்செய்யப்பட்டு நாளைய (16) தினம் திறக்கப்படவுள்ளதுடன் மேலும் பலருக்கு பிசிஆர் பரிசோதனை மேற்கொள்ளப்படவுள்ளது.