இராணுவ சிப்பாயின் கைக்கு வெட்டு

அஜித்லால் சாந்தஉதய

எம்பிலிப்பிட்டியவில் ஐ.ஓ.சி எரிபொருள் நிரப்பும் நிலையத்தில் பாதுகாப்பு கடமையில் இருந்த இராணுவ சிப்பாயின் கையை பதம் பார்த்தவரைத் தேடி பொலிஸார் வலைவிரித்துள்ளனர்.

கடந்த 3 ஆம் திகதியன்று இடம்பெற்ற இந்த சம்பவத்தில் வெட்டுக்காயங்களுக்கு இலக்கான இராணுவ சிப்பாய் வைத்தியசாலையில் அனுமதிக்கப்பட்டுள்ளார். அந்த எரிபொருள் நிரப்பும் நியைத்தில் ஏற்பட்டிருந்த நெருக்கடியான நிலைமையை கட்டுப்பாட்டுக்குள் கொண்டுவருவதற்கு முயன்ற போதே இச்சம்பவம் இடம்பெற்றுள்ளது. 

அந்த எரிபொருள் நிரப்பும் நிலையத்துக்கு பிற்பகல் வேளையில் வந்த எரிபொருள் வரிசையில் நின்றிருந்தவர்களுக்கு விநியோகிக்கப்பட்டது. மாலை வேளையில் எரிபொருள் தீர்ந்துவிட்டது. இதுதொடர்பில் பொலிஸார் அறிவிப்பொன்றை விடுத்தனர். 

எனினும், வரிசையில் காத்திருந்தவர்கள் எரிபொருள் நிலையத்தை ஆக்கிரமிக்கத் தொடங்கிவிட்டனர். இதனால் பதற்றமான நிலைமையொன்று ஏற்பட்டது. அங்கு பாதுகாப்பில் ஈடுபட்டிருந்த இராணுவ சிப்பாய், நிலைமையைக் கட்டுப்பாட்டுக்குள் கொண்டுவர முயன்ற போதே, கத்தி வெட்டுக்கு இலக்காகியுள்ளார்.