எஸ்கடேல் தோட்ட வீதி புன​ரமைப்பு

மிக நீண்டகாலமாக, குன்றும் குழியுமாக இருந்த எஸ்கடேல் தோட்டப் பிரதான வீதி, 10 இலட்சம் ரூபாய் செலவில் கொங்கிரீட் இடப்பட்டு புனரமைக்கப்பட்டுள்ளது.

இந்த வீதியை, குறித்தத் தோட்டத்தைச் சேர்ந்த 500க்கும் மேற்பட்டவர்கள் தினமும் பயன்படுத்தி வருகின்ற நிலையில், இந்தப் பாதையை செப்பனிட்டுத் தருமாறு, நுவரெலியா பிரதேச சபைத் தவிசாளர் வேலுயோகராஜிடம், தோட்ட மக்கள் கோரிக்கை விடுத்திருந்தனர்.

இது தொடர்பாக, இ​.தொ.கா தலைவர் ஆறுமுகன் தொண்டமானின் கவனத்துக்குக் கொண்டு வரப்பட்டதற்கு அமைய, மத்திய மாகாண விவசாயத்துறை அமைச்சின் பன்முகப்படுத்தப்பட்ட 1 மில்லியன் ரூபாய் செலவில் இந்த வீதி செப்பனிடப்பட்டுள்ளது.