கூரைத்தகரங்கள் பகர்ந்தளிப்பு

பொகவந்தலாவை, டின்சினன் தோட்டத்தில், சூறாவளியால் பாதிக்கப்பட்ட 18 குடும்பங்களுக்கு,  மலையகப் புதிய கிராமங்கள் , உட்கட்டமைப்பு வசதிகள் மற்றும் சமுதாய அபிவிருத்தி அமைச்சர் பழனி திகாம்பரத்தின் பணிப்புரைக்கமைவாக,  கூரைத்தகரங்கள் வழங்கி வைக்கப்பட்டன.

மேற்படித் தோட்டத்தில், கடந்த 9 ஆம் திகதி ஏற்பட்ட மினி சூறாவளியால், 18 குடியிருப்புகளின் கூரைத்தகரங்கள் சேதமடைந்தன.

இவ்விடயம் அமைச்சர் பழனி திகாம்பரத்தின் கவனத்துக்கு கொண்டுவரப்பட்டதையடுத்து,  மேற்படி குடியிருப்புகளில் வசித்து வந்த 18 குடும்பங்களுக்கும் கூரைத்தகரங்கள், திங்கட்கிழமை விநியோகிக்கப்பட்டன.

இந்நிகழ்வில், மத்திய மாகாண சபை உறுப்பினர் சோ.ஸ்ரீதரன்,  தொழிலாள் தேசிய சங்கத்தின் பொகவ்நதலாவை அமைப்பாளர் கல்யாணகுமார்  உள்ளிட்ட பலர் கலந்துகொண்டனர்.