கொள்கலன் குடைசாய்ந்ததால் போக்குவரத்து பாதிப்பு

மு.இராமசந்திரன், ரஞ்சித்ராஜபக்ஷ

ஹட்டன்- கொழும்பு பிரதான வீதி, கினிகத்தேனை 20ஆம் மைல்கல் பகுதியில் வைத்து கொள்கலனொன்று குடைசாய்ந்துள்ளதால் அவ்வீதி வழியான போக்குவரத்து பாதிக்கப்பட்டுள்ளதாகவும்  குறித்த பகுதிக்கான போக்குவரத்து ஒருவழி பாதையாக இடம்பெறுவதாகவும் கினிகத்தேனை பொலிஸார் கூறினர்.

தலவாகலையிலிருந்து கொழும்புக்கு 12 தொன் நிறையுடைய  தேயிலை தூளை ஏற்றிச்சென்ற கொள்கலனே இன்று அதிகாலை 4.30 மணியளவில் விபத்துக்குள்ளாகியுள்ளது.

இவ்விபத்தில் ஒருவருக்கும் எவ்வித பாதிப்புக்களும் ஏற்படவில்லை என பொலிஸார் கூறினர்.