கஜமுத்துகளை வைத்திருந்தவருக்கு விளக்கமறியல்

ரஞ்சித் ராஜபக்‌ஷ

1 மில்லியன் ரூபாய் ​பெறுமதியான 9 கஜமுத்துகளை விற்பனை செய்வதற்கு முயற்சித்த நபரொருவரை,  பூண்டுலோயா பொலிஸார்  கைதுசெய்து  கொத்மலை நீதவான் நீதிமன்றில் ஆஜர்படுத்தியதையடுத்து, சந்தேகநபரை இந்த மாதம் 24ஆம் திகதி வரை விளக்கமறியலில் வைக்குமாறு, நீதவான் உத்தரவிட்டுள்ளார். 

பூண்டுலோயா- கொஸ்கஹபத்தன பிரதேசத்தைச் சேர்ந்த, சந்தேகநபரே இவ்வாறு விளக்கமறியலில் வைக்கப்பட்டுள்ளார். 

சந்தேகநபர் கஜமுத்துகளை விற்பனைச் செய்யத் தயாராகவிருப்பதாக, பூண்டுலோயா பொலிஸாருக்குக் கிடைத்த தகவலுக்கமைய உடனடியாக செயற்பட்ட பொலிஸார், அந்நபரை வெள்ளிக்கிழமை (13) கைதுசெய்து சனிக்கிழமை(15) நீதிமன்றில் ஆஜர்படுத்தியபோதே,  நீதவான் இந்த உத்தரவைப் பிறப்பித்துள்ளார்.