கந்தப்பளையில் உரத்தட்டுப்பாடு

கந்தப்பளைப்  பிரதேசத்தில்  கடந்த ஒருவாரமாக உரவகைகளுக்கு தட்டுப்பாடு நிலவி வருகின்றது.

இதனால் இப்பிரதேசத்தில் மரக்கறி விவசாயத்தில் ஈடுப்பட்டுள்ள உற்பத்தியாளர்கள்  பாதிக்கப்பட்டுள்ளனர்.

இதேவேளை,  கந்தப்பளை நகரில் இரசாயன உரவகைகளை மொத்தமாகவும் சில்லரையாகவும்  விற்பனை செய்து வரும் ஒரு சில விற்பனை நிலையங்கள் உரங்களை அதிக விலைக்கு விற்பனை செய்து வருவதாக நுவரெலியா மாவட்ட நுகர்வோர் அதிகார சபையின் கவனத்திற்கும் கொண்டு வந்துள்ளதாக தெரிவிக்கப்பட்டுள்ளது.

அந்த வகையில்  நிர்ணய விலையான 1050/= ரூபாவுக்கு விற்பனைச்  செய்யப்பட வேண்டிய  50 கிலோ கிராம்  நிறை யுடைய ஒரு மூட்டை உரத்தின் விலை  1150/= ரூபாய் தொடக்கம் 1250/= ரூபாய் வரை அதிக விலைக்கு விற்பனை செய்யப்படுவதாக விவசாயிகள் குற்றம் சுமத்துகின்றனர்.

மேலும் உரத் தட்டுப்பாட்டையடுத்து  சில வர்த்தக நிலைய  உரிமையாளர்கள் உரத்தைப்  பதுக்கி வைத்து, அதிக விலைக்கு விற்பனை செய்து வருகின்றனர்..