கம்பளவத்தையில் நால்வருக்குத் தொற்று

நவீ   

கம்பளை தொழுவ சுகாதார பிரிவுக்குட்பட்ட கம்பளவத்தப் பகுதியில், மேலும் நால்வருக்கு கொரோனா வைரஸ் தொற்று உறுதிப்படுத்தப்பட்டுள்ளது.

கண்டியில் தனியார் வைத்தியசாலையொன்றில் பணிபுரியும் ஊழியர் ஒருவருக்கு, அண்மையில் தொற்று உறுதிப்படுத்தப்பட்டது. இதனையடுத்து அவரது குடும்ப உறுப்பினர்களும், தொடர்பில் இருந்தவர்களும் தனிமைப்படுத்தப்பட்டனர்.

அவர்களுக்கு மேற்கொள்ளப்பட்ட பிசிஆர் பரிசோதனையிலேயே நால்வருக்குத் தொற்று உறுதிபடுத்தப்பட்டுள்ளது. 

இவர்கள் கொரோனா வைரஸ் தடுப்பு சிகிச்சை நிலையங்களுக்கு அழைத்துச் செல்லப்பட்டுள்ளனர். 

இவர்களுடன் தொடர்பைப் பேணியவர்கள் தனிமைப்படுத்தப்பட்டுள்ளனர் என்று, அப்பகுதிக்குப் பொறுப்பான பொதுசுகாதார பரிசோதகர்கள் தெரிவித்துள்ளனர்.