கம்பளையில் இருவர் திடீரென உயிரிழப்பு

இக்பால் அலி

கம்பளை பிரதேசத்தின் இருவேறுப் பகுதிகளில் இருவர் திடீரென கீழே விழுந்து மரணமடைந்துள்ளனர் என்று, கம்பளை பொலிஸார் தெரிவித்தனர்.

இவ்விருச் சம்பவங்களும் இன்று (19) இடம்பெற்றுள்ளன.

கண்டி வீதியிலுள்ள கோவிலுக்கு அருகிலும் ஒருவரும் மற்றைய நபர் ரிவர்சைட் பகுதியிலும் விழுந்து மரணமடைந்துள்ளனர் என்று பொலிஸார் தெரிவித்தனர்.

பிரேதப் பரிசோதனைக்காக கம்பளை வைத்தியசாலைக்கு மேற்படி இருவரின் உடல்களும் எடுத்துச் செல்லப்பட்டுள்ளன என்றும் உடல்களுக்கு பிசிஆர் பரிசோதனை மேற்கொள்ளப்படவுள்ளதாகவும் பொலிஸார் தெரிவித்தனர்.