கம்பளையில் கழிவுத் தேயிலை சிக்கியது

நவி

கம்பளை எத்கால  பொலிஸ் பிரிவுக்குட்பட்ட பகுதியில் திங்கட்கிழமை (25) இரவு வீதிசோதனையில் ஈடுபட்டிருந்த பொலிஸ் உத்தியோகத்தர்கள், சந்தேகத்துக்கு இடமான முறையில் பயணித்த லொறியை சோதனைக்கு உட்படுத்தப்பட்ட போது அதில் கழிவுத் தேயிலை இருப்பது கண்டறியப்பட்டது.

லொறி கைப்பற்றப்பட்டதுடன், சாரதியும் கைது செய்யப்பட்டுள்ளார் என    எத்கால பொலிஸார் தெரிவித்தனர்.

 கம்பளை எத்கால பொலிஸ் உத்தியோகத்தர்கள் மற்றும் கம்பளை தேயிலை சபை உத்தியோகத்தர்கள் இணைந்து இந்த சுற்றிவளைப்பை மேற்கொண்டதுடன், லொறியில் 10,000 கிலோகிராம் கழிவு  தேயிலை இருந்துள்ளது.

 இந்த சம்பவம் தொடர்பில் எத்கால பொலிஸ் அதிகாரிகள் மற்றும் கம்பளை தேயிலை சபை அதிகாரிகள் மேலதிக விசாரணைகளை மேற்கொண்டு வருகின்றனர்.

இதேவேளை,     உலப்பனை கைத்தொழில் பிரிவு பகுதியில்  கழிவு தேயிலை குவிக்கப்பட்ட இடமொன்றையும் சுற்றிவளைத்து சோதனைக்கு உட்படுத்தினர்.