காட்டில் மறைந்திருந்த துப்பாக்கிதாரி கைது

பிபிலை- கராடுகல பிர​தேசத்தில் பெண்ணொருவரைத் துப்பாக்கியால் சுட்டு கொலை செய்த நபர் நில்கல காட்டில் மறைந்திருந்த நிலையில், இன்று கைதுசெய்யப்பட்டுள்ளாரென, கராடுகல பொலிஸார் தெரிவித்துள்ளனர்.

கைதுசெய்யப்பட்டவர் வர்த்தக நிலையமொன்றின் உரிமையாளரான 58 வயதுடைய நபரென்றும் இவர் கைதுசெய்யப்பட்ட போது, இவரிடமிருந்து துப்பாக்கியும் ரவைகளும் மீட்கப்பட்டுள்ளன.

தனிப்பட்ட தகராறே இந்தத் துப்பாக்கிச் சூட்டு சம்பவத்துக்கு காரணமென்றும் ஆரம்பக்கட்ட விசாரணைகள் மூலம் தெரியவந்துள்ள​தென பொலிஸார் தெரிவிக்கின்றனர்.