காஸ் விவகாரம்: மற்றுமொரு பெண் மரணம்

ஷேன் செனவிரத்ன

வீட்டு சமையல் எரிவாயு அடுப்பு வெடித்ததில் காயமடைந்து, கண்டி தேசிய வைத்தியசாலையில் அனுமதிக்கப்பட்டிருந்த பெண், மரணமடைந்துள்ளார் என ​பல்லேகல பொலிஸார் தெரிவித்தனர்.

யு.கே.பிரியாங்கணி அசோகா (51) என்பவரே இவ்வாறு மரணமடைந்துள்ளார். மூன்று பிள்ளைகளின் தாயான இவர், வில்கமுவ, வெல்லசந்தியை வசிப்பிடமாகக் கொண்டவர்.

கண்டியிலுள்ள பாடசாலையில் அவருடைய பிள்ளைகள் கல்விக்கற்று வருவதால், பல்லேகலையில் வாடகை வீடொன்றில் வசித்து வருகின்றார் என்றும் பொலிஸார் தெரிவித்தனர்.

பாடசாலைக்கு கொடுத்து அனுப்புவதற்காக, டிசெம்பர் 1ஆம் திகதியன்று அதிகாலை 3 மணியளவில், சமைப்பதற்கு தயாரான போதே, வெடிப்புச் சம்பவம் ஏற்பட்டுள்ளது. அதில், அப்பெண் எரிகாயங்களுக்கு உள்ளானார்.

10 நாள்கள் தொடர்ந்து சிகிச்சைப்பெற்று வந்த நிலையிலேயே அப்பெண், கடந்த 10ஆம் திகதியன்று மரணமடைந்துள்ளார் என்றும் பல்லேகல பொலிஸார் தெரிவித்தனர்.