குடிநீர்த் திட்டம் கையளிப்பு

உலக வங்கி அபிவிருத்தித் திட்டத்தின் கீழ், வெலிமடை ஊவா பென்ஹெல்ட் தோட்டத்தில், 16 மில்லியன் ரூபாய் செலவில் நிர்மாணிக்கப்பட்டுள்ள பாரிய குடிநீர் விநியோகத் திட்டம், மக்களின் பாவனைக்காக, நாளை மறுதினம் (19) கையளிக்கப்படவுள்ளது.

இந்நிகழ்வில், தேசிய நீர் வழங்கல் மற்றும் நகர அபிவிருத்தி அமைச்சர் ரவூப் ஹக்கீம் பிரதம அதிதியாகக் கலந்துகொள்ளவுள்ளார்.

தேசிய நீர் வழங்கல் மற்றும் நகர அபிவிருத்தி அமைச்சினால் மேற்கொள்ளப்பட்டு வரும் உலக வங்கியின் இந்த வேலைத்திட்டம்,  பதுளை மாவட்டத்துக்கு உட்பட்ட பெருந்தோட்டங்களுக்கு அறிமுகப்படுத்தப்பட்டமை இதுவே, முதற்றடவையாகும்.

பதுளை மாவட்ட நாடாளுமன்ற உறுப்பினர் அ.அரவிந்தகுமார்,  அமைச்சர் ரவூப் ஹக்கீமிடம் விடுத்த வேண்டுகோளுக்கு அமைவாக,  பதுளையில் இந்தத் திட்டம் தற்போது நடைமுறைப்படுத்தப்பட்டு வருகின்றமை குறிப்பிடத்தக்கது.