குப்பைகள் குவிக்கப்பட்டுள்ளமையால் மக்கள் அவதி

இரத்தினபுரி, வறக்காதொட்டை வீதியில் குப்பைகள் நிறைந்து காணப்படுவதாக, பொதுமக்கள் குற்றஞ்சாட்டியுள்ளனர்.

இப்பகுதியில், மூன்று மதங்களைச் ​சேர்ந்த வணக்கஸ்தலங்கள் இருப்பதாகவும் பாடசாலைகள் காணப்படுவதாகவும் எனினும் இவ்வீதியில் குப்பைகள் நிறைந்து காணப்படுவதாகவும் தெரிவிக்கப்படுகின்றது.

தற்போது தொடர் மழை பெய்து வருகின்றமையால், துர்நாற்றம் வீசுவதாகவும் டெங்கு நுளம்பு பரவும் அபாயம் ஏற்படுமோ என்று மக்கள் அஞ்சுவதாகவும் தெரிவிக்கப்படுகின்றது.

எனவே, இந்த வீதியை சுத்தப்படுத்தித் தருமாறு, மக்கள் உரிய அதிகாரிகளிடம் வேண்டுகோள் விடுத்துள்ளனர்.