குளவிக்கொட்டுக்கு இலக்காகி எட்டு பேர் பாதிப்பு

ஹட்டன் பொலிஸ்பிரிவுக்குட்பட்ட, டிக்கோயா - வனராஜா தோட்டப் பகுதியிலுள்ள தேயிலை மலையில் கொழுந்து பறித்துக்கொண்டிருந்த 8 பெண் தொழிலாளர்கள், குளவிக்கொட்டுக்கு இலக்கான நிலையில், டிக்கோயா - கிளங்கன் ஆதார வைத்தியசாலையில் அனுமதிக்கப்பட்டுள்ளனர் என, ஹட்டன் பொலிஸார் தெரிவித்தனர்.

இன்று (08), காலை, தேயிலை பறித்துக்கொண்டிருந்தபோது, மலையின் அடிவாரத்தில் இருந்த குளவிக்கூடு கலைந்து, தொழிலாளர்களைக் கொட்டியுள்ளது எனத் தெரிவிக்கப்படுகின்றது.