குழந்தைக்கு சூடுவைத்த தாய், இரண்டாவது கணவர் கைது

பாலித ஆரியவங்ச

ஊவாபரணகம, லுனுவத்த, அம்பிட்டிகொடவைச் சேர்ந்த 11 வயது மற்றும் 2 மாதக் குழந்தையை கொடூரமாக துஷ்பிரயோகம் செய்ததாக சந்தேகத்தின் பேரில், குழந்தையின் தாயும், தாயின் இரண்டாவது கணவரும் கடந்த 25 ஆம் திகதி கைது செய்யப்பட்டதாக ஊவாபரணகம பொலிஸார் தெரிவித்தனர்.

குழந்தையின் இடது கண்ணுக்குக் கீழே, கன்னம் பகுதியில், ஒரு கையில் மணிக்கட்டு அருகே மற்றும் வலது கையில் மேல் கைக்குக் கீழே தீக்காயங்கள் உள்ளிட்ட காயங்கள் இருந்ததாக பொலிஸார் தெரிவித்தனர்.

குழந்தை தடயவியல் மருத்துவ பரிசோதனைக்காக வெலிமட மாவட்ட மருத்துவமனையில் அனுமதிக்கப்பட்டுள்ளது, கைது செய்யப்பட்ட தாயும் இரண்டாவது கணவரும் வெலிமட நீதவான் நீதிமன்றத்தில் இன்று 26 ஆம் திகதி ஆஜர்படுத்தப்பட உள்ளனர்.

பண்டாரவளை மூத்த பொலிஸ் கண்காணிப்பாளர் வழக்கறிஞர் ரோஷன் அமரசிங்கவின் அறிவுறுத்தலின் பேரில்   ஊவாபரணகம,  பொலிஸார் மேலதிக விசாரணைகளை மேற்கொண்டு வருகின்றனர்.