கோழி திருடர்கள் கைது

மொஹொமட் ஆஸிக்   

அலவத்துகொடை பொலிஸ் பிரிவுக்கு உட்பட்ட துணுவில பிரதேசத்தில், வீடொன்றில் வளர்த்து வந்த சுமார் 11,500 ரூபாய் பெறுமதியான 9 கோழிகளை திருடி, அக்குறணை நகரிலுள்ள வர்த்தக நிலையம் ஒன்றுக்கு 5,000 ரூபாய்க்கு விற்பனை செய்த இருவரை, அலவத்துகொடை பொலிஸார், நேற்று (17) கைதுசெய்துள்ளனர்.   

வீட்டின் உரிமையாளர்கள் செய்த முறைப்பாட்டையடுத்து, விசாரணைகளை மேற்கொண்டு வந்த பொலிஸார், மேற்படி இருவரையும் கைதுசெய்துள்ளனர். அலவத்துகொடையை சேர்ந்த இருவரே இவ்வாறு கைதுசெய்யப்பட்டுள்ளனர்.  இவர்களை நீதிமன்றில் ஆஜர்படுத்துவதற்கான நடவடிக்கையில் பொலிஸார் ஈடுபட்டு வருகின்றனர்.