கோவிலில் திருடிய நபர் மடக்கிப் பிடித்து நையப்புடைப்பு

ஆ.ரமேஸ், கு.புஷ்பராஜ், டி.சந்ரு. சுஜிதா, கௌசல்யா 

நானுஓயா பொலிஸ் பிரிவுக்குட்பட்ட கெல்ஸி தோட்ட ஸ்ரீ முத்துமாரியம்மன் கோவில் கத​ைவ உடைத்து, திருட்டுச் சம்பவத்தில் ஈடுபட்ட சந்தேகநபரை மடக்கிப் பிடித்துள்ள பிரதேச மக்கள், அவரை நையப்புடைத்து, பொலிஸாரிடம் ஒப்படைத்துள்ளனர்.  

நேற்று முன்தினம் (16) கைது செய்யப்பட்ட இந்நபரிடமிருந்து, அம்மன் சிலைக்குப் போடப்பட்டிருந்த தாலியும் விலையுயர்ந்த கோவிலின் பல பொருள்களையும் பொலிஸார் கைப்பற்றியுள்ளனர்.  

இந்தத் திருட்டுச் சம்பவத்தில், ஐவர் ஈடுபட்டிருந்தனர் என்றும் ஒருவர் மாத்திரமே மடக்கிப்பிடிக்கப்பட்டுள்ளார் என்றும் தப்பிச் சென்ற மற்றைய நால்வரையும் தேடி, பொலிஸார் வலைவிரித்துள்ளனர் என்றும் தெரிவிக்கப்படுகின்றது.  

நையப்புடைக்கப்பட்டு பொலிஸாரிடம் ஒப்படைக்கப்பட்டுள்ள நபர், தற்போது நுவரெலியா மாவட்ட வைத்தியசாலையில் சிகிச்சைக்காக அனுமதிக்கப்பட்டுள்ளார் எனத் தெரியவருகின்றது.