சிவனொளிபாதமலைக்கு வந்தவர்களில் 12 பேர் கைது

எச்.எம்.ஹேவா  

பல வகையான போதைப்பொருட்களுடன் சிவனொளிபாதமலைக்கு வருகைதந்த நபர்களில் 12 பேர், ஹட்டன் ஊழல் எதிர்ப்பு பிரிவு அதிகாரிகளினால் கைதுசெய்யப்பட்டுள்ளனர்.  

ஹட்டன்-கொழும்பு பிரதான வீதியில் தியகல பிரதேசத்தில் வைத்து மேற்கொள்ளப்பட்ட வாகனச் சோதனை நடவடிக்கையின் போதே, கஞ்சா மற்றும் மதனமோதகம் ஆகியவற்றை எடுத்துவந்தவர்கள் கைதுசெய்யப்பட்டனர். இவர்களில் 9 பேர் கஞ்சாவையும் ஏனையோர் மதன மோதகத்தையும் வைத்திருந்திருந்துள்ளனர்.  

இவர்கள், கொழும்பு, புத்தளம் மற்றும் சிலாபம் ஆகிய பிரதேசங்களில், வருகைதந்தவர்கள் எனத் தெரிவித்த அந்த பிரிவைச் சேர்ந்த பொலிஸ் அதிகாரிகள், அவர்கள் அனைவரையும் ஹட்டன் நீதவான் நீதிமன்றத்தில் ஆஜர்படுத்துவதற்கு நடவடிக்கை எடுத்துள்ளதாக தெரிவித்தனர்.