டெங்கு ஒழிப்பு கலந்துரையாடல்

மத்திய மாகாணத்தில் தற்போது வேகமாகப் பரவி வரும் டெங்கு நோயைக் கட்டுப்படுத்துவது தொடர்பாக, மத்திய மாகாண அரச உயர் அதிகாரிகள், பாதுகாப்புத் துறையினருடனான கலந்துரையாடல் ஒன்று, மத்திய மாகாண ஆளுநர் காரியாலயத்தில், ஆளுநர் லலித் யூ கமகே தலைமையில் நடைபெற்றது.

இதன்போது, எதிர்வரும் 21, 22, 23ஆம் திகதிகளில், பாதுகாப்புத்துறை உத்தியோகத்தர்களின் உதவியுடன், விசேட வேலைத்திட்டம் ஒன்றை மேற்கொள்வது தொடர்பாகவும் தீர்மானம் நிறைவேற்றப்பட்டது.

அத்துடன், பிரதி மாதந்தோறும், ஒரு தினத்தை டெங்கு ஒழிப்பு தினமாக அறிவித்து, துப்பரவுப் பணியில் ஈடுபடுதல் முதலான செயற்றிட்டங்களை அமுல்படுத்தவும் முடிவு செய்யப்பட்டது.