தீக்காயங்களுடன் பெண் வைத்தியசாலையில் அனுமதி

தலாத்துஓயா, நவநெலிய பிரதேசத்திலுள்ள வீடொன்றில்,  குப்பி லாம்பு கவிழ்ந்ததால் பெண்ணொருவர் தீக்காயங்களுக்கு உள்ளான நிலையில், வைத்தியசாலையில் அனுமதிக்கப்பட்டுள்ளாரென, பொலிஸார் தெரிவித்தனர்.

மேற்படி பிரதேசத்தை  சேர்ந்த மூன்று பிள்ளைகளின் தாயே (வயது 54) இவ்வாறு தீக்காயங்களுக்கு உள்ளாகியுள்ளார். இவர் மேலதிக சிகிச்சைக்காக, கண்டி வைத்தியசாலைக்கு மாற்றப்பட்டுள்ளாரென வைத்தியசாலை நிர்வாகம் தெரிவித்துள்ளது.

மின்சார சபை ஊழியர்களின் பணிப்புறக்கணிப்பு காரணமாக, தலாத்துஓயா, நவநெலிய பிரதேசத்தில் கடந்த சில தினங்களாக மின் இணைப்பு துண்டிக்கப்பட்டுள்ளது. இதனால், பிரதேச மக்கள் மண்ணெண்ணெய் விளக்குளையே பயன்படுத்தி வருகின்றனர்.