தென்கொரியாவுக்கு செல்கிறார் அரவிந்தகுமார்

பதுளை மாவட்ட நாடாளுமன்ற உறுப்பினர் அ. அரவிந்தகுமார், எதிர்வரும் 2ஆம் திகதி, தென்கொரியாவுக்குப் பயணமாகவுள்ளார்.

தென்கொரியாவின் தலைநகரான சியோலின் சமூக மேம்பாட்டு விடுதியில் நடைபெறும் சர்வதேச சமாதானப் பேரவையின் மநாட்டில் கலந்து கொள்ளும் பொருட்டே, இவர் அந்நாட்டுக்குச் செல்லவுள்ளார்.

ஐக்கிய அமெரிக்க இராச்சியத்தின் நியூயோர்க் நகரில் இயங்கும் சர்வதேச சமாதானப் பேரவையின் தலைவர் பேராசிரியர் தோமஸ் ஜீ. வோல்ஸ், பதுளை மாவட்ட நாடாளுமன்ற உறுப்பினர் அ. அரவிந்தகுமாரை கலந்து கொள்ளுமாறு, அவருக்கு விசேட அழைப்பு விடுத்துள்ளார்.

இந்த அழைப்பை ஏற்றே, பதுளை மாவட்ட நாடாளுமன்ற உறுப்பினர் அ. அரவிந்தகுமார், இம் மகாநாட்டில் கலந்து கொள்கின்றமை குறிப்பிடத்தக்கது.

“உலக சமாதான மாநாடு 2020” எனும் தொனிப்பொருளுக்குக் கீழ், இந்த மாநாடு நடைபெறவுள்ளது.

இந்த மாநாடு, தென்கொரியாவின் தலைநகரான சியோலின் சமூக மேம்பாட்டு விடுதியில், எதிர்வரும் 3அம் திகதி ஆரம்பமாகி, எதிர்வரும் 8ஆம் திகதி வரை நடைபெறவுள்ளமை குறிப்பிடத்தக்கது.

அதன் பின்னர், நாடாளுமன்ற உறுப்பினர், 9ஆம் திகதி நாடு திரும்பவுள்ளார்.