நான்கு மாதங்களின் பின்னர் மெராயாவுக்கு சமையல் எரிவாயு

ஆ.ரமேஸ்

லிந்துலை - மெராயா நகருக்கு 4 மாதங்களின் பின்னர்,இன்று  (24)  காலை லிட்ரோ சமையல் எரிவாயு விநியோகிக்கப்பட்டது.

குறித்த 12.5 கிலோகிராம் சமையல் எரிவாயு 5100  ரூபாய்க்கு விற்பணை செய்யப்பட்டதாக நுகர்வோர் தெரிவித்தனர்.

வரிசைகளில்  500க்கு அதிகமானவர்கள் காத்திருந்த போதும், மெராயா நகரிலுள்ள  விற்பனை முகவர் நிலையத்துக்கு 350 சிலிண்டர்களே நிறுவனத்தால் அனுப்பி வைக்கப்பட்டிருந்ததாக தெரிவிக்கப்பட்டது.

இந்த நிலையில் இன்றைய தினம் சமையல் எரிவாயுவைப் பெற்றுக்கொள்ள முடியாதவர்களுக்கு அடுத்து வரும் வாரங்களில் விநியோகிக்க நடவடிக்கை எடுக்கப்படும் என அறிவித்ததையடுத்து  வரிசைகளில்  நின்றவர்கள் கலைந்து சென்றனர்.