நுவரெலியா போதனா வைத்தியசாலையில் ஆளணி இல்லை

நுவரெலியா போதனா வைத்தியசாலையில் ஆளணிப் பற்றாக்குறை நிலவி வருவதாக, வைத்தியசாலை பணியாளர்கள் தெரிவித்தனர்.

இந்த வைத்தியசாலைக்கு, 600 பேர் தேவைப்படுகின்றபோதிலும், 290 பேர் மாத்திரமே பணியில் உள்ளனர் என்றும் எனவே, மேலதிகமாக, 325 பேரை, புதிதாக இணைத்துக்கொள்ள நடவடிக்கை எடுக்குமாறும் அவர் கோரிக்கை விடத்துள்ளார்.

நுவரெலியா மாவட்டத்தில் உள்ள பிரதான வைத்தியசாலையான இதற்கு, நாளாந்தம் ஆயிரக்கணக்கானோர் மருத்துவத் தேவைகளுக்காக வந்து செல்கின்ற நிலையில், ஆளணிப்பற்றாக்குறையால், பாரிய பிரச்சினைகளுக்கு முகங்கொடுத்து வருவதாகவும் பணியாளர்கள் தெரிவித்துள்ளனர்.

இதேவேளை, ஆளணிப்பற்றாக்குறை காரணமாக, புதிதாக அமைக்கப்பட்ட கட்டடத்தின் ஒரு பகுதி மூடப்பட்டுள்ளது என்றும் தெரிவிக்கப்படுகின்றது.