பண்டாரவளை நகரைச் சூழ்ந்த வெள்ளம்

 நடராஜா மலர்வேந்தன்

பதுளை மாவட்டத்தில் தொடர்ச்சியாகப் பெய்து வரும் கடும் மழை காரணமாக, பண்டாரவளை நகரம் மிகக் கடுமையாகப் பாதிக்கப்பட்டுள்ளது.

போக்குவரத்து பாதிப்பு கடும் மழையினால் நகரின் பல பகுதிகளில் வெள்ளநீர் புகுந்துள்ளமையால், சில இடங்கள் முழுமையாக நீரில் மூழ்கியுள்ளன. இதன் காரணமாக முக்கிய வீதிகளில் வாகனப் போக்குவரத்து முற்றாகப் பாதிக்கப்பட்டு, ஸ்தம்பித நிலை ஏற்பட்டுள்ளது.

வர்த்தகம் மற்றும் பொது வாழ்க்கை தாழ்வான பகுதிகளில் வெள்ளநீர் தேங்கி நிற்பதால், பல வர்த்தக நிலையங்களுக்குள் நீர் புகுந்து வியாபார நடவடிக்கைகள் முடங்கியுள்ளன. அத்துடன், பொதுமக்கள் தமது அன்றாடத் தேவைகளை நிறைவேற்றிக் கொள்ள முடியாமல் பெரும் அசௌகரியங்களை எதிர்கொண்டு வருகின்றனர். சில பகுதிகளில் மின்சாரம் மற்றும் தொலைத்தொடர்பு சேவைகளும் துண்டிக்கப்பட்டுள்ளதாகத் தகவல்கள் தெரிவிக்கின்றன.

அதிகாரிகளின் அறிவுறுத்தல் மழை மேலும் தொடரும் என எதிர்பார்க்கப்படுவதால், அவசர உதவிப் பிரிவினர் தயார் நிலையில் வைக்கப்பட்டுள்ளனர். பொதுமக்கள் அத்தியாவசியத் தேவைகளின்றி வெளியே செல்வதைத் தவிர்த்து, பாதுகாப்பான இடங்களில் இருக்குமாறு அதிகாரிகள் அறிவுறுத்தியுள்ளனர்.