பஸ் விபத்தில் அறுவர் காயம்

பண்டாரவளையிலிருந்து மொரட்டுவைக்கு பயணிக்கவிருந்த  சொகுசு பஸ், ஹல்துமுல்ல களுபஹன சந்தியில் வைத்து, பாதையை விட்டு விலகி கடையொன்றில் மோதி விபத்துக்குள்ளானதில் படுகாயமடைந்த அறுவர், ஹல்துமுல்ல வைத்தியசாலையில் அனுமதிக்கப்பட்டுள்ளனரென, பொலிஸார் தெரிவித்தனர்.

இவ்விபத்து இன்று பகல் இடம்பெற்றுள்ளது.

விபத்தில் சாரதி மற்றும் நடத்துநரின் நிலை கவலைக்கிடமாக இருப்பதாக வைத்தியசாலை வட்டாரங்கள் தெரிவிக்கின்றன.

இவ்விபத்து தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.