பாடசாலைக்கு அருகில் ஆபத்து

பதுளை விஷாகா கனிஷ்ட வித்தியாலயத்துக்கு அருகிலான நடைபாதையில் காணப்படும் பாரிய குழி காரணமாக, அவ்வழியாகப் பயணிக்கும் பாடசாலை மாணவர்களும் பொதுமக்களும் விபத்துக்களை எதிர்கொள்கின்றனர்.

இதுவரையில் 15க்கும் மேற்பட்ட மாணவர்களும் பொதுமக்களும், இந்த குழியில் விழுந்து விபத்துக்குள்ளான நிலையில், பதுளை வைத்தியசாலையில் அனுமதிக்கப்பட்டுள்ளனர் என்று தெரிவிக்கும் பிரதேசவாசிகள், குறித்த பகுதியைப் புனரமைக்க உரிய அதிகாரிகள் நடவடிக்கை எடுக்க வேண்டுமென கோரிக்கை விடுக்கின்றனர்.