பாதுகாப்பு வழங்குமாறு கோரிக்கை

நீலமேகம் பிரசாந்த்

கொத்மலை பிரதேச சபைக்குட்பட்ட மடக்கும்புற மத்திய பிரிவு தோட்ட மக்கள், வேலைக்குச் செல்லும்போது, முகக்கவசங்களை வழங்குமாறு கோரிக்கை விடுத்துள்ளனர்.

தோட்டத்துக்குச் செல்லும் தங்களுக்கு எந்தவொரு பாதுகாப்பும் இல்லை என்றும் எனினும், தாங்கள் தொழிலுக்குச் செல்லாவிட்டால், தொழிற்சாலை இயங்காது என்றும் தொழிற்சாலை இயங்காவிட்டால், தங்களது சம்பளம் குறைந்து, பொருளாதாரம் பாதிக்கப்படும் என்றும் தோட்டத் தொழிலாளர்கள் தெரிவித்துள்ளனர்.

எனவே, தாங்கள் பாதுகாப்பான முறையில் தொழில் செய்வதற்கு, மலையக அரசியல்வாதிகளும் தோட்ட நிர்வாகமும் நடவடிக்கை எடுக்கவேண்டும் என, மக்கள் வேண்டுகோள் விடுத்துள்ளனர்.