போதைப் பொருட்களுடன் இருவர் கைது

ஆ.ரமேஸ் 

ஐஸ்,ஹெரோய்ன் போதைப் பொருளை தன்வசம் வைத்திருந்த இருவரை, நல்லதண்ணி பொலிஸார், நேற்று (14) இரவு கைதுசெய்துள்ளனர்.

சிவனொளிபாத மலைக்கு யாத்திரை மேற்கொண்ட கல்கிஸை, தெஹிவளை ஆகிய பகுதிகளைச் சேர்ந்த 27,28 வயதுடைய இருவரையே பொலிஸார் கைதுசெய்துள்ளனர்.

சிவனொளிபாத மலையின் அடிவாரத்தில் வைத்து சோதனைக்கு உட்படுத்தப்பட்டபோது, அவர்களிடமிருந்து போதைப் பொருட்கள் கைப்பற்றப்பட்டுள்ளன.

மேற்படி இருவரையும் நீதிமன்றில் ஆஜர்படுத்தவுள்ள பொலிஸார், மேலதிக விசாரணைகளை மேற்கொண்டு வருகின்றனர்.