போதைப் பொருள்களுடன் எழுவர் ஹட்டனில் கைது

ரஞ்சித் ராஜபக்‌ஷ

ஹெரோய்ன், கஞ்சா ஆகிய போதைப் பொருள்களை தம்வசம் வைத்திருந்த 7 பேர் ஹட்டன் கலால் அலுவலக அதிகாரிகளால் கைதுசெய்யப்பட்டுள்ளனர்.

இதன்போது 310 மில்லிகிராம் ஹெரோய்னை வைத்திருந்த சந்தேகநபர் ஹட்டன்- பண்டாரநாயக்கபுர பகுதியைச் சேர்ந்த 28 வயதானவர் என கலால் அலுவலக அதிகாரிகள் தெரிவித்துள்ளனர்.

ஏனைய 6 சந்தேகநபர்களிடம் இருந்தும் கஞ்சா கைப்பற்றப்பட்டதாகவும் குறித்த அறுவரும் போதைப் பொருளுக்க அடிமையான 25- 30 வயதுக்கு இடைப்பட்டவர்கள் என்றும் அதிகாரிகள் தெரிவித்தனர்.

கைதுசெய்யப்பட்ட அறுவரும் குடாகம, பண்டாரநாயக்கபுர ஆகிய பகுதிகளைச் சேர்ந்தவர்கள் என்றும் தெரிவிக்கப்பட்டுள்ளது.

கைதுசெய்யப்பட்ட 7 பேரும் ஹட்டன் நீதவான் நீதிமன்றில் ஆஜர்படுத்தப்படவுள்ளனர்.