மண்சரிவு: 15 பேர் பாதிப்பு

பெரகல - கொஸ்லந்தை வீதியின் 194ஆம் மைகல் அருகே அமைந்துள்ள, லேனா தோட்டத்தில்  நேற்று (15) மாலை இடம்பெற்ற மண்சரிவில் 3 குடும்பங்களைச் சேர்ந்த 15 பேர் பாதிக்கப்பட்டுள்ளனர்.

மண் சரிந்து வருவதை கண்டவுடன் அம்மக்கள் அங்கிருந்து வெளியேறியமையால், யாருக்கும் எவ்வித பாதிப்பும் ஏற்படவில்லை.

ஆனால், கற்பாறைகளுடன் மண் மேடு சரிந்து வந்து வீடுகளின் மீது வீழ்ந்துள்ளது.

மேற்படி 3 குடும்பங்களும் உறவினர்கள் வீட்டில் தங்கியுள்ளனர். எனினும், இவர்களுக்கான எவ்வித நிவாரண உதவியும் இதுவரை கிடைக்க வில்லை என தெரிவிக்கப்படுகின்றது.