மலையக வீதிகளில் பனிமூட்டம் ; சாரதிகளுக்கு எச்சரிக்கை

ரஞ்சித் ராஜபக்‌ஷ

மலையகத்தில்  இன்று (24) காலை தொடக்கம் மழையுடனான சீரற்ற வானிலை நிலவுவதால், பிரதான வீதிகளில் பனி மூட்டம் அதிகரித்து காணப்படுவதாக ஹட்டன் பொலிஸார் தெரிவித்தனர்.

இதற்கமைய ஹட்டன்- கொழும்பு பிரதான வீதியின் ஹட்டனிலிருந்து கித்துல்கல வரையிலும் ஹட்டன்- நுவரெலியா பிரதான வீதியிலும் பனி மூட்டம் காணப்படுவதாக ஹட்டன் போக்குவரத்து பொலிஸார் தெரிவித்தனர்.

எதிரில் வரும் வாகனங்கள் தெரியாத அளவுக்கு பனி மூட்டம் அதிகரித்து காணப்படுவதால், சாரதிகளும் பாதசாரிகளும் மிகவும் அவதானத்துடன் செயற்படுமாறும் அறிவுறுத்தியுள்ளதுடன், சாரதிகள் வாகனங்களின் முன் விளக்குகளை ஒளிரவிட்டு செல்லுமாறும் அறிவுறுத்தியுள்ளனர்.