மாணிக்கக் கல் அகழ்ந்த இருவர் கைது

ராமு தனராஜா

லுணுகலை பொலிஸ் பிரிவுக்கு உட்பட்ட  ஹொப்டன் 19ஆம்  கட்டப் பிரிவில், சட்டவிரோதமாக மாணிக்கக்கல் அகழ்வில் ஈடுபட்ட இருவர் கைதுசெய்யப்பட்டுள்ளனர்.

சந்தேகத்தின் பேரில் இவர்கள் நேற்று (10) காலை கைது செய்யப்பட்டுள்ளனர்  .

லுணுகலை பொலிஸாருக்கு கிடைத்த தகவலுக்கமைய, முன்னெடுக்கப்பட்ட சுற்றிவளைப்பின் போதே, இருவர் கைது செய்யப்பட்டனர். இவ்விருவரும் 35 மற்றும் 40 வயதானவர்கள் ஆவர்.

கைதுசெய்யப்பட்ட சந்தேகநபர்களை நீதிமன்றத்தில் ஆஜர்படுத்தும்  நடவடிக்கைகள்  இடம்பெறுவதாக  லுணுகலை பொலிஸார் தெரிவித்தனர்.